Overgangen frå behandling til heim. Korleis kan sjukepleiar på ein ruspost best mogeleg førebu pasienten til ein kvardag etter utskriving?

Abstract

I denne oppgåva har eg sett på kva rolle og funksjon sjukepleiar har i tverrfagleg spesialisert behandling av rusproblem. Målet var å synleggjere korleis sjukepleiar gjennom sin kompetanse, kan førebu pasientar på ruspost best mogeleg til ein kvardag etter utskriving, og dermed gjere overgangen frå behandling til heim betre. Oppgåva mi synleggjer sjukepleiars kjernekompetanse innanfor tverrfagleg spesialisert behandling: kartlegging, å sjå heile mennesket, samt relasjonskompetanse. Dette er viktige moment som inngår i behandlinga og førebuing av pasienten til ein kvardag etter utskriving. Andre viktige delar av arbeidet, er miljøterapi, motivasjonsarbeid, samt samarbeid med den kommunale helse – og omsorgstensta for å skape ein heilskapleg rusomsorg.