| dc.description.abstract | Bakgrunn: Det å vere ungdom med diabetes kan på mange måtar vere utfordrande, då ein må i tillegg til å forhalde seg til vekst og endringar som er knytt til ungdomstida, må ein også forhalde seg til ein kronisk sjukdom som krevjar rutinar og eigenkontroll.
Føremål: Føremålet med denne litteraturstudien er å få eit innblikk i ungdommane og foreldra deira sine oppleving kring diabetes. Og utifrå desse opplevingane kan ein finne gode sjukepleiefaglege tiltak for å fremje sjølvstende i handteringa av diabetes.
Metode: Dette er ein systematisk litteraturstudie som tek utgangspunkt i 3. kvalitative forskingsstudiar. To av studiane har fokus på ungdommanes opplevingar, erfaringar og utfordringar, medan den siste studien fokuserer på foreldra si oppleving med å ha eit barn med diabetes. Funna frå studiane vart identifisert og kategorisert etter ungdom eller foreldre sine opplevingar og tankar.
Resultat: Funna frå litteraturstudien min viser at sjølv med eit godt regulert blodsukker kan unge med diabetes oppleve at sjukdommen har negativ verknad på livet deira. Medan somme ungdommar søkjer etter aksept hjå vennegjengen for sjukdommen, strevar andre etter å oppnå kontroll over blodsukkeret.
Konklusjon: I ein kvardag med diabetes, møter den unge ulike utfordringar i handteringa av sjukdommen. Det er store forskjellar for korleis ungdommar vel å handtere sin sjukdom, men med støtte frå helsepersonell, familie og venner kan dette fremje motivasjon hjå den unge til sjølvstende i handtering av diabetes. | nb_NO |
