| dc.description.abstract | Bakgrunn for val av tema:
Kvinna gret og hadde sterke smerter, men ingen trøsta henne. Ingen heldt ho i handa og gav ho trøstande ord. Legen kommenterte at kvinna hadde gjort noko dumt, og blei gjort til latter framfor resten av personalet. Der låg ho og gret utan at nokon av sjukepleiarane tok henne i forsvar. Kvifor blir det slik? Har dei zambiske sjukepleiarane andre etiske verdiar enn det eg har, og er dette noko som er representativt for alle sjukepleiarar i Zambia, eller var dette eit unntak? I løpet av min praksis i Zambia kom eg opp i situasjonar som eg følte ikkje samsvarde med kva vi lærer om etikk i Noreg, noko eg syns er viktig for å kunne forstå seg på ut i frå at dagens samfunn blir meir prega av fleire kulturar.
Problemstilling:
”Korleis forstå enkelte sjukepleiarar sine handlingar på sjukehus i Zambia?” Framgangsmåte: I denne oppgåva er det utført litteraturstudie, ved å sjå på relevant teori frå forskingsartiklar og retningslinjer frå International Council of Nurses og NSF. I tillegg er det brukt litteratur frå pensum, pålitelege oppslagsverk på internett og eigne erfaringar i frå min praksis i Zambia. Oppsummering:
For å kunne forstå seg på enkelte sjukepleiarar sine handlingar i ein ny kultur, er det viktig å få kjennskap til den nye kulturen ein møter. Kva som er grunnen til at sjukepleiarar handlar i strid med etiske retningslinjer, kan ha årsak i økonomiske tilstandar, organisering av institusjonen, normer og verdiar, religion, hierarki, kultur og kulturforskjellar. | nb_NO |
