«Omsorg og omtanke kring eldre pasientar»

Abstract

Bakgrunn for val av tema: Då eg har jobba ei tid ved ein sjukeheim har eg ved fleire høve fått vore ein del av det å utøve palliativ omsorg kring eldre pasientar. Palliativ omsorg tykkjer eg er eit interessant felt innan sjukepleiaryrket og har vore noko eg har hatt lyst til å læra meir om. Det å jobbe med denne oppgåva har vore eit fint høve for meg til å kunne gå djupare inn i korleis me som sjukepleiarar kan verta betre på utøvinga av den palliativ omsorg kring eldre pasientar på sjukeheim. Problemstilling: Korleis kan eg som sjukepleiar utøve palliativ omsorg til eldre pasientar på sjukeheim? Framgangsmåte: Eg har nytta meg av pensumlitteratur og annan sjølvvalt litteratur som er relevant for temaet og problemstillinga mi. I tillegg har eg gjort eit systematisk søk i ulike databasar for å finne forskingsartiklar kring problemstillinga mi. Oppsummering av funn og konklusjon: Då det vert ei auke i talet eldre i åra som kjem, er det å kunna utøva palliativ omsorg til eldre pasientar noko som kjem til å krevja kunnskap og kompetanse blant sjukepleiarane. I funna mine frå forskingsartiklane, relevant litteratur og mi eiga erfaring kjem det fram nokre viktige faktorar innan den palliative omsorga. Dette er faktorar som god relasjon mellom pasient og sjukepleiar, tilpassing av informasjon kring sjukdom og behandling samt god symptomlindring.