Ut av klassen for å lære? : ein studie av kva faktorar som påverkar skular i arbeidet med tilpassa opplæring samanlikna med skular med mange timar til spesialpedagogiske tiltak utanfor klassen

Abstract

Statlege styringssignal i læreplanar, Opplæringslov og forskrift gjev tydelege meldingar til grunnskulane om tilpassa opplæring, den inkluderande undervisninga og klasserommet som den gode opplæringsarena for elevane. Når spesialpedagogiske tiltak likevel aukar i skremmande omfang, er det grunn til å forske i kva faktorar som påverkar skulane i dette arbeidet. Denne studien rettar søkelys på utviklingsprosessar i grunnskulane og på kva faktorar som påverkar organiseringa av undervisninga i skulane og i klasseromma. Eit viktig perspektiv er skuleleiar sitt handlingsrom i dette arbeidet. Undersøkinga er gjennomført i to kommunar på Vestlandet. Fire rektorar er intervjua om korleis dei legg til rette for tilpassa opplæring innanfor tildelte ressursar, og kva rammevilkår dei har for arbeidet. Funna tyder på at ressurstildelinga og det lokale utviklingsarbeidet på skulen påverkar organiseringa av undervisninga og fordelinga av spesialpedagogisk arbeid og tilpassa opplæring.