Frå ord til handling - to høgskular si læring av kvalitetsreforma

Abstract

Frå ord til handling - to høgskular si læring av kvalitetsreforma Studien har kartlagt korleis to ”små” høgskular gjekk fram for å tileigne seg forståing av Stortingsmelding nr 27 (2000/01) Gjør din plikt – krev din rett (kvalitetsreforma), og om deira forståing var i samsvar med departementet si forståing. Målsettinga for det var å lære meir om høgskular sine læringsvilkår for å tileigne seg kunnskap og forståing om reforma. I tillegg har eg kartlagt høgskulane sine eksterne nettverk, og kva opplevd nytteverdi dei hadde for høgskulane si forståing av reforma i samband med deira implementering av reforma. Målsettinga med det var å finne ut om det i samband med implementeringa av reforma var aktørar i universitets- og høgskulesektoren som hadde karakter av å vere autoritative fortolkande sentra eller var felles referansepunkt for dei andre aktørane i universitets- og høgskulesektoren. Prosjektet er gjennomført som ein eksplorerande empirisk studie av høgskulane sin læringsprosess (på institusjonsnivå) i starten av høgskulane si implementering av kvalitetsreforma. Funna i prosjektet tyder på at høgskulane på institusjonsnivå hadde gode vilkår for å lære seg og forstå krava i reforma. Vidare tyder funna på at det kunnskapsproduserande senteret i universitets- og høgskulesektoren (departementet) i stor grad også var det autoritative fortolkande senteret for høgskulane i samband med implementeringa av reforma.