| dc.description.abstract | Tema prehospital sjukepleie ved akutt hjerneslag har eg valt fordi eg gjennom fleire år i yrkeslivet og sjukepleieutdanninga har fått erfare korleis pasientar oppleve å bli hardt ramma ved akutt sjukdom. Utfallet og konsekvensen av hjerneslag kan vere svært ulik, noko som eg har undra meg over og difor har lyst å lære meir om. Det er i dag god dokumentasjon for effektive tiltak som kan redusere dei alvorlege konsekvensane av hjerneslag. Dette er bakgrunnen for at eg ønskjer å ta for meg problemstillinga: Korleis gje god prehospital sjukepleie til pasient med akutt hjerneslag?
Dette er ei litterær oppgåve, då eg har nytta eksisterande litteratur frå pensumbøker, og andre skriftlege kjelder frå ulike databasar. Som eit utgangspunkt for oppgåva har eg nytta dei nasjonal faglege retningslinjene for ”Behandling og rehabilitering ved Hjerneslag” frå helsedirektoratet. I drøftinga har eg valt å trekke inn eigne erfaringar og sjå dette i lys av aktuell litteratur for oppgåva.
Oppsummert forsking og litteratur legg klart til grunn at tidsfaktor frå symptomdebut til behandling har stor betyding for prognosane til pasienten. For å redusere denne tida, er opplæring av helsepersonell for identifisering av symptom på hjerneslag ein viktig faktor. Vidare er det naudsynt med riktig vurdering og prioritering av prehospital innsats, samt ein velorganisert behandlingskjede som sikrar flyt i alle ledd. Samstundes er kommunikasjon og omsorg særs viktig for ei heilskapleg ivaretaking av pasienten sine behov ved akutt hjerneslag. | en_US |
