Automatisert pigging av lastebildekk

Abstract

Denne rapporten omhandlar løysing av Bacheloroppgåva til fire studentar ved Høgskulen i Sogn og Fjordane 2010. Studentane som utførte oppgåva studerte elektro- og automatiseringsteknikk ved høgskulen si avdeling i Førde. Målet med oppgåva var å utvikle og bygge ei automatisert maskin som kunne utføre montering av piggar i vinterdekk for lastebilar. Utviklingsprosjektet var eit samarbeid mellom prosjektgruppa, høgskulen og oppdragsgjevar Førde Vulk AS. Hovudprosjektrapporten er det teoretiske grunnlaget for løysing av oppgåva. Rapporten omhandlar alt prosjektadministrativt arbeid og den gjennomgår teknisk oppbygging og verkemåte for maskina. Bygginga av maskina var utført hjå bedrifta Hellenes AS i Førde. Der hadde studentane tilgang til bruk av mekaniske og elektrotekniske maskiner og utstyr. Prosjektet har eigen nettstad der bygginga er dokumentert med bilde og tekst etterkvart som prosjektfasane har gått fram: http://prosjekt.hisf.no/~10piggmaskin/