Levande bygdeutvikling : ein studie av Bygdeutviklingsprogrammet i Sogn og Fjordane og prosjektet Levande bygder

Abstract

Dette er ein studie av to tiltak som begge er retta inn mot lokalsamfunnsutvikling og næringsutvikling i Sogn og Fjordane. Erfaringane syner at Bygdeutviklingsprogrammet i stor grad er retta inn mot nærmiljøtiltak og lokalsamfunnsutvikling i brei meining. BUprogrammet er i sjeldan grad nedanfrå-opp-orientert utviklingsarbeid der kvart prosjektstyre i bygdene står svært fritt til å nytte midlane til det bygda sjølv definerer som utviklingstiltak. Dette verkar motiverande og utløyser synergieffektar. Prosjektet Levande bygder skulle byggje på erfaringane frå BU-programmet, men i sterkare grad vere retta inn mot lokale sentrum-periferidimensjonar i tilhøvet mellom bygd og kommunesenter. Med unntak av bygdene frå Eid kommune kan ein seie prosjektet har blitt målforskyve i retning av det meir generelle BUprogrammet. I rapporten vert det tilrådd at fylkesnivået i Sogn og Fjordane byggjer vidare på erfaringane frå BU-programmet og innarbeider den statlege småsamfunnssatsinga i ei vidareføring av det.