Skriving som læringsarena i sjukepleiefaget

Abstract

Artikkelen tek opp korleis ei gruppe tredje års sjukepleiarstudentar erfarte skriving som læringsstrategi. Det har vorte ein auke i skriving som læringsstrategi etter innføring av Kvalitetsreforma i høgare utdanning i Noreg. Studien tek føre seg kva oppgåver studentane opplevde som dei mest lærerike. Data er samla inn ved hjelp av fokusgruppeintervju. Studentane sa dei føretrakk oppgåver som gav dei høve til å integrera teori og praksis, oppgåver som er praksisrelaterte. Studentane er samde om at skriving er ein nyttig læringsstrategi, arbeidet med oppgåvene førte til at dei måtte lese, tenke og skrive. Obligatoriske oppgåver fordelt gjennom studieåret fører også til ei jamnare lesing, og gjer at dei er meir aktive i eigen læreprosess. Dei seier og at det har vorte for mange obligatoriske oppgåver, noko som medfører for lita tid til å lesa på litteratur utanom den som er knytt til oppgåvene. Dette kan ha negativ effekt i høve til den totale oversikta i eit emne. Ytterlegare forsking innan området er naudsynt, både for vidare undersøking av funn i denne studien og for fremja meir forståing omkring korleis skriving kan vera ein læringsstrategi som forbetrar sjukepleiarstudentane si læring.