Korleis kan frivillige nyttast som ein ressurs på sjukeheimar, for å betre livskvaliteten til bebuarane? : kva behov kan frivillige hjelparar vere med på å dekke, og korleis kan tilbodet bli påverka av samarbeidet mellom sjukeheimen og dei frivillige?

Abstract

Med bakgrunn i temaet eldreomsorg og korleis ivareta dei eldre i framtida, er problemstillinga mi; ”Korleis kan frivillige nyttast som ein ressurs på sjukeheimar, for å betre livskvaliteten til bebuarane?”. Sjølv om livskvalitet er eit omgrep som er vanskeleg å få ei klar tyding på, så vil eg ha det med. Dette er fordi ein kan gripe fatt i faktorar som er 3 konkrete, og som er med i omgrepet. Kva faktorar som har betyding for at ein person skal ha god livskvalitet vil vere forskjellig frå kva fase i livet ein er, og difor vel eg å finne fram til faktorar som har betyding for dei eldre på sjukeheim. For å prøve å belyse problemstillinga har det skilt seg ut to forskingspørsmål eg gjerne vil sjå grundigare på. Det er: ”Kva kan frivillige hjelparar gje bebuarane?”, for å sjå på korleis livskvaliteten kan betras ved å få frivillige inn på sjukeheimane. Samtidig må eg og sjå på faktorar som inngår i eit samarbeid mellom frivillige og sjukeheimar, fordi dette kan vere av betyding for tilbodet. Difor blir det andre forskingspørsmålet: ”Korleis kan samarbeidet mellom sjukeheim og frivillige påverke eit tilbod?”.