«Draumen» - ein performance

Abstract

"Draumen" - Er ein performance som vert spelt som om den er ein draum, og publikum får oppleva draumen ved å gå inn i eit estetisk opplevelsesrom. Denne improviserte kunstperformancen med dans, drama, musikk og film er retta mot born og har som mål å fange publikum i ein mindfull atmosfære. Performancen er ikkje forklart og er meint å aktivere alle sansar. Publikum vil, ved å være til stades i augneblinken, delta, føle førestillinga og suge til seg det som skjer ved å aktivere sine eigne sansar. Performancen har utgangspunkt i eit Erasmus+-prosjektet Arts and Mindfulness in Education (AMiE). AMiE er eit innovasjonsprosjekt som forsøker å gi europeiske lærarar inspirerande og støttande verkty til introduksjon av mindfulness i barnehage og grunnskuleopplæringa (aldersgruppe 3 til 12). AMiE er unikt ved at den bruker kunstens kraft og kreative prosesser som utgangspunkt for introduksjon av mindfulness i skulesamanheng. Prosjektet er dokumentert multimodalt og vert formidla gjennom film, der blant anna utklipp frå live-førestillingar og improvisert musikk er eksemplifisert. I filmen reflekterer vi, i relasjon til relevant teori og liknande prosjekt, over performancen og utviklinga av den. Prosjektet er vurdert og godkjent innanfor HVL sitt system for fagfellevurdering av kunstfaglege forskningsformer - KFF.