Alternativ opplæringsarena og inkludering

Abstract

Denne studia omhandlar korleis dei vaksne ved ein alternativ opplæringsarena legg til rette for å fremje inkludering blant elevane. Studia er bygd opp som ei case studie, som tek utgangspunkt i ein utvald alternativ opplæringsarena plassert på ein gard. Datainnsamlingsmetoden som er nytta er kvalitative forskingsintervju med tre grupper med informantar. Første gruppe med informantar består av lærar og gardseigar, andre gruppe består av to fagarbeidarar/assistentar. Desse informantane er skildra som dei vaksne i denne studia. Den tredje gruppa består av to elevar som har eit tilbod på den alternative opplæringsarenaen. Det teoretiske grunnlaget i studia er basert på litteraturgjennomgang, relevante rammedokument innanfor utdanning, læringsteoretisk perspektiv og anna relevant teori retta mot alternativ opplæring og inkludering. Funna i studia syner at dei vaksne informantane ved den alternative opplæringsarenaen på gard, nyttar si felles forståing av omgrepet inkludering, saman med felles tankar og idear kring kva som er viktig for elevar si oppleving av inkludering. Til å leggje til rette for å fremje inkludering blant elevane på den alternative opplæringsarenaen. For å leggje til rette for elevane si inkludering, er dei opptekne av å arbeide saman, engasjere seg i elevane, utvikle gode relasjonar og gjennomføre medvitne tiltak og rutinar gjennom skuledagane på den alternative opplæringsarenaen. I studia kjem det fram at tilbod på alternativ opplæringsarena kan sjåast som både eit segregerande, og eit inkluderande opplæringstilbod. Det kjem det fram mange positive erfaringar kring arbeidet med å fremje inkludering, frå alle dei ulike gruppene med informantar frå den alternative opplæringsarenaen. Men det kjem også fram at dei møter utfordringar retta mot inkludering. Studia syner også at det er eit forbetringspotensiale kring samarbeidet mellom alternativ opplæringsarena og ordinær skule.