Tverrfagleg undervisning – Kopling mellom kunst og handverk og naturfag

Abstract

Denne masteroppgåva handlar om tverrfagleg undervisning mellom kunst og handverk og naturfag. Føremålet med oppgåva er å få innblikk i korleis elevane ser den tverrfaglege koplinga mellom faga, og korleis deira kunnskapar frå undervisninga kjem til syne i det praktiske arbeidet. Eg ynskjer og å sjå korleis kunst og handverk kan vere ein resurs i tverrfagleg undervisning med naturfag, kvar faga ivareta sitt særpreg. Problemstillinga som blir undersøkt er; Korleis kan kunst og handverksfaget operasjonalisere tverrfagleg undervisning i samarbeid med naturfag på 6. trinn i lys av læreplanen LK20? kvar desse forskingsspørsmåla er rettleiande for diskusjonen: Gjennom arbeidet til elevane, korleis kjem det tverrfaglege arbeidet til syne? og Kva utfordringar og moglegheiter kan ein møte på i tverrfagleg undervisning? Basert på ein hermeneutisk-fenomenologisk vitskapleg tilnærming er kasusstudie velt som metode. Forskingsmaterialet er generert gjennom undervisningsopplegg, dokumentasjon av elevarbeid, fokusgruppeintervju, spørjeskjema og deltakande observasjon. Elevarbeida og samtalane er analysert og vist fram på ein slik måta at deira stemme kjem fram i empirien. Analysen blir diskutert basert på teori om tverrfaglegheit, tverrfaglegheit i læreplanen og kunst og handverk i eit tverrfagleg lys i møte med naturfag. Den tverrfaglege teorien er retta mot læring eleven kan oppnå, og kva utfordring og moglegheita andre ser i tverrfagleg undervisning både for elevar, lærarsamarbeid og i utdanning. Nokre av studiens funn syner at læring kan visast på fleire måtar. Studien viser og at det er viktig at læraren har kompetanse og erfaring innanfor faget som skal undervisast for å kunne sjå ein likeverdig kopling i det tverrfaglege arbeidet. Omgrepet tverrfagdidaktikk er kanskje noko som bør inkluderast i lærarutdanninga?