Lærarar sine tankar og erfaringar om bruk av fysisk aktivitet i undervisninga

Abstract

Fysisk aktivitet skal gjennom Regjeringa sin handlingsplan for fysisk aktivitet integrerast meir i skulen framover. Det at fysisk aktivitet skal bli ein større del av skulekvardagen, gjer at fleire lærarar vil gjera seg erfaringar knytt til å bruka dette i undervisninga. Tidlegare er det ikkje gjort mykje forsking på lærarar sine tankar og erfaringar knytt til å bruka fysisk aktivitet i undervisninga. Dette studiet har som formål å undersøkja nettopp dette. Kva tankar og erfaringar eit utval lærarar har gjort seg opp etter å ha teke i bruk fysisk aktivitet i undervisninga. Studien har hatt seks lærarar som alle har underviser i matematikk ved den same skulen. Studien har vorte vinkla kvalitativt, der det har vore intervju. Funna etter intervjua viste lærarane sine tankar og erfaringar. Blant desse tankane og erfaringane, kom dei innpå tema som læring, planlegging, glede og utfordringar. Det viser seg blant anna at lærarane har positive erfaringar knytt til undervisninga. Samtidig som dei peikar på ulike utfordringar som tid og planlegging. Alt i alt kan ein sjå fleire ulike koplingar mellom blant anna grunnleggande didaktikk og lærarane sine tankar. Der faktorar frå den grunnleggande didaktikken verkar som ligg til grunn for planlegginga og gjennomføringa av undervisninga til lærarane.