| dc.description.abstract | Ny Rammeplan for barnehagens innhald og oppgåver tredde i kraft 1. august 2017 (Kunnskapsdepartementet, 2017, Demokrati). Problemstillinga for denne studien er: «Korleis tolkar og omset styrar krav og forventingar til styrarrolla, som ligg i den nye Rammeplanen?». Meld. St. 19 (2016) viser til eit behov om meir forsking i barnehagesektoren. Det handlar om å få meir kunnskap om leiing i barnehage, og kva betyding dei raske endringane i barnehagesektoren har for leiarrolla. Denne studien er basert på sju intervju av styrarar i kommunale barnehagar, i tre forskjellige kommunar. Fokuset i intervjua er knytt til styrar sitt ansvar- og rollebeskriving i Rammeplanen. Det er tatt utgangspunkt i translasjonsteori (Røvik, 2007) i analysen av funna. Det viser seg at Rammeplanen er eit viktig og aktivt verktøy, som speglar seg i styrarrolla i barnehagen. Den blir brukt i dialog med personalet, utarbeiding av planer, og som fagleg støtte. Personalet har betyding for styrar i omsetjinga av krava, og er ein faktor i den varierte praksisen. Barnehageeigar (kommunen) set rammene for handlingsrommet til styrar, som framstår å vere avgrensande og samarbeidande for styrar. Dei formelle krava stilt frå kommunen, og samarbeid med styrarnettverket har også betyding for korleis styrar tolkar og omsett krava i Rammeplanen. Dei pedagogiske leiarane blir delegert oppgåver og ansvar knytt til avdelingsnivå i barnehagen. Styrar er bevisst si rolle som den ansvarlege i barnehagen, men er særleg avhengig av dei pedagogiske leiarane for å innfri krava i Rammeplanen. | en_US |
