Kva oppgåvetypar er knytt til dei skjønnlitterære tekstane i tekstsamlingar for 10. trinn?

Abstract

I denne oppgåva er det nytta ei kvalitativ innhaldsanalyse for å undersøke problemstillinga: Kva oppgåvetypar er knytt til skjønnlitterære tekstar i tekstsamlingar for 10.trinn?. Oppgåvene i tekstsamlingane NB! og NEON er kategorisert i fire ulike kategoriar. Først er dei sett i lys av Ullström sine tre hovudkategoriar (lesekontroll, flukt frå teksten eller dikting). Deretter ser ein på om dei oppfordrar til bruk av efferent eller estetisk lesemåte. Vidare er det sett på om ein kan finne svar på oppgåvene i teksten. Til slutt er oppgåvene plassert i ein av åtte oppgåvetypar. Det er flest oppgåver som høyrer til oppgåvetypane tekstforståingsoppgåver, refleksjonsoppgåver og skriveoppgåver. I tillegg syner resultata at oppgåvene i stor grad oppfordrar til bruk av efferent lesemåte. Resultata er drøfta i lys av Skjelbred (2012), Skardhamar (2005) og Rosenblatt (1995). Medvit kring oppgåvetypar og korleis dei kan påverke elevane sin lesemåte er viktig for å sikre ei undervisning med varierte oppgåver og lesemåtar.