Uendelege haldningar til lekser

Abstract

Formålet med denne oppgåva har vert å undersøke kva haldningar lærarar har til lekser. For å avgrense oppgåva valde vi problemstillinga «Kva haldningar har matematikklærarar på ungdomssteget til lekser?». Oppgåva er skreve med bakgrunn i ein kvalitativ undersøking som baserer seg på fem semistrukturerte intervju. Grunngjevinga for metodevalet var for å få ei djupare innsikt og forståing om haldningane til lærarane. Resultata frå forskinga blir drøfta gjennom eigne meiningar og tidlegare forsking. Her tek vi opp ulike tema som til dømes tilpassing, leksehjelp, lærarutdanning, mengde og oppfølging. Resultatet i forskingsprosjektet viser at det er store variasjonar i haldningane blant informantane. Basert på desse haldningane trekkjer vi fram likskapar og skilnader i svara til informantane. Mange av haldningane som kjem fram, kan grunngjevast med tidelgare forsking.