Barnehagar som profesjonelle praksisfellesskap?: Ein studie av lærande barnehagar i indre Sogn

Abstract

Etter oppdrag frå Sogn Regionråd er det gjennomført ei gransking av barnehagane i indre Sogn som lærande organisasjonar. Dette er gjort i samarbeid med eit styrarnettverk. Det er teke som utgangspunkt at det er mogleg å måle i kva grad ein barnehage er lærande. Undersøkinga tyder på at tilsette opplever at deira kompetanse vert brukt, og deira meiningar kjem fram og vert akseptert i den organisasjonen dei arbeider i. Dette gjer barnehagane til lærande organisasjonar. Det er svara på spørsmåla som gjeld organisasjon og leiing som først og fremst varierer. Til dømes ser det ut til at kommunane som organisasjonar ser ut til å variere som ramme for organisasjonslæring. Som samla system står barnehagane fram som eitt tett, integrert fellesskap med små forskjellar mellom styrarar, pedagogar og andre tilsette. Vi spør om vi har kartlagt det litteraturen kallar eit praksisfellesskap. I så fall reiser det ein del interessante muligheiter for det vi kan kalle regionale utviklingsprosessar – faglege prosessar som bind saman og utviklar kunnskapsnivået i tenester på tvers av kommunane.