Dagsentertilbod - eit pusterom i kvardagen

Abstract

Denne studien omhandlar pårørande til personar med demens sin kvardag og kva erfaringar desse pårørande har med tanke på diagnosefasen, tilpassingar i kvardagen og behovet for avlasting. Studien har særleg fokusert på avlasting i form av tilrettelagde dagsentertilbod for personar med demens. Analyse og drøfting i studien er basert på individuelle intervju med pårørande til heimebuande personar med demens, som nyttar dagsentertilbod. Hensikta med studien er å få innblikk i informantane sin kvardag. Korleis dei opplever det å vere pårørande til ein person med demens, og på kva måte bruken av dagsentertilbod kan vere med på å avlaste dei i kvardagen. Kunnskap om desse erfaringane kan forhåpentlegvis vere med på å styrke arbeid retta mot pårørande og deira behov, samt samarbeidet med pårørande ved seinare høve. Demens er ein sjukdom som angår heile samfunnet, og framleis er det manglande kunnskap om demens i dagens samfunn (Helse- og omsorgsdepartementet, 2007; Sosial- og helsedirektoratet). Mange stadar er ikkje tenestetilboda til denne gruppa godt nok tilrettelagt med dagsenter og andre avlastningstilbod. Det er eit stort behov for å styrke kompetansen og kunnskapen om demens både i samfunnet, blant ansatte som arbeider med denne pasientgruppa og blant pårørande (Helse- og Omsorgsdepartementet, 2007). I