Undervisingspraksis i kroppsøving
Master thesis
Permanent lenke
https://hdl.handle.net/11250/3026855Utgivelsesdato
2022Metadata
Vis full innførselSamlinger
Sammendrag
Oppgåva sitt tema er undervisingspraksis i kroppsøving. Bakgrunn for oppgåva er tidlegare studiar og diskusjonar i kroppsøvingsfaget som viser at faget ikkje blir praktisert som eit utdannings-og læringsfag (Aasland & Engelsrud, 2018), og det er lite forskingsbasert kunnskap om undervisingspraksisen både når det gjeld gjennomføring, teoribruk og fagleg innramming. Oppgåva baserer seg på teorien om praksisarkitektur som inngang til å forstå undervisingspraksis i kroppsøving. Valet fall på teorien til Kemmis og Grootenboer (2014), som inneber å undersøke ein praksis ved å bruke tre formar for arrangement. Det materiell økonomiske arrangement, det sosial-politiske arrangement og det kulturell-diskursive arrangement. Teorien blir samla sett brukt for å undersøke kroppsøvingslærarar sin undervisingspraksis, og det som skjer i undervisinga, og for å utvikle kunnskap både på bakgrunn av det teoretiske perspektivet og erfaringar som kroppsøvingslærarar tar med seg. Både for å forme faget, bli forma og regulert gjennom historiske og idrettslege fenomen som gjer undervisinga mogleg ut frå lærarane sine faglege erfaringar. Oppgåva har følgjande problemstillingar: «Korleis arbeider tre kroppsøvingslærarar på 7. og 8.trinn med undervisingspraksis?» og «Kva kan teorien om praksisarkitektur ha å seie for kunnskap om undervisingspraksis?» Det empiriske materialet er produsert gjennom eit etnografisk inspirert feltarbeid ved ein skule. Feltarbeidet gjekk føre seg over fire veker, og tre lærarar kalla Lars, Jonny og Frank i sin undervising var involvert. Materialet består av både observasjon i undervising i éin klasse på 7. trinn, og to klassar på 8. trinn. Dette gjekk føre seg over ein lengre periode med ulike deltakarposisjonar, samt intervju av lærarane i etterkant av feltarbeidet. Analysane viser korleis det materiell-økonomiske arrangementet er uttrykt gjennom aktivitet og arbeid, som gjer det mogleg å organisere aktivitetar som til dømes volleyball og skumball. I tillegg blir arrangementet brukt for å halde orden på, og å velje ut og forvalte utstyr, låse opp og igjen skap og dører. Det materiell-økonomiske arrangementet opnar opp for samtalar i, og rundt aktiviteten. Det kulturell-diskursive arrangementet kjem til uttrykk gjennom menneska i praksisen sine ord og tankar, som til dømes at lærarane ropar «kom igjen no, viss du prøver litt meir av det her». Saman med desse to arrangementa, blir sosial-politisk arrangement ein føresetnad for at det blir skapt relasjonar mellom menneska i praksisen, 3 men også mellom menneska og reiskapane som er tilgjengelege i det materiell-økonomiske arrangementet. Vidare er sentrale funn elevar som har med skiftekle og ikkje er skada, er dei som får tilgang til undervisinga. Det kan sjåast i det materiell-økonomisk arrangement ved at garderoben er ein «stad» elevane må innom for å få tilgang til undervisingsrommet. Utstyr og klede sjåast i oppgåva som materielle reiskapar, og når elevar ikkje har skift, eller er skada vel elevane å unngå tid i garderoben. Elevane blir ekskludert ved at dei må vere til stades med riktig utstyr, og unngå å vere skada. I undervisinga prioriterarar lærarane det å vere i aktivitet. Dei materielle reiskapane, som ribbevegg, tau, og skumballar gjer kroppsøvingsundervisinga mogleg, alt frå dei synlege reiskapane som elevane kan nytte seg av, til materielle reiskap som er innelåst i skap som kun lærarane har nøkkel og tilgang til. Undervisinga er (framleis) mykje lærarstyrt på 7.trinn og 8.trinn, og øvingar og teknikk tett opp mot ballsport har ein tydleg plass i undervisingspraksisen og byggast opp med språk som motiverarar elevane som «kom igjen», «flott, Kaja» «nydeleg mottak». Samla sett bidreg forfattaren saman med lærarane til ny kunnskap om undervisingspraksis, ved å gjere allereie kjente sider ved kroppsøving synleg ved å bruke teorien om praksisarkitektur. Oppgåva får fram eit potensial som bidrar til profesjonskunnskap ved å kombinere det å vere tett på praksisen, og gjer det daglege relevant gjennom analyse av kva menneske gjer (handling), kva dei seier (språk), samhandling innafor ei gruppe, og meininga som skapast. Oppgåva får fram at det er behov for å undersøke undervisingspraksis nærmare i lys av det sosial politiske arrangementet og det kulturell-diskurisve arrangementet mellom lærar og elevar. Desse perspektiva kan nyttast for å tenke nytt om kva som skal skje når elevar blir ekskludert, og at tilgang til elevane sin læring i faget blir redusert ved at det å vere i mest mogleg aktivitet blir brukt av lærarane som mål for timen.
Beskrivelse
MGUKØ550 – Master i grunnskulelærar, kroppsøving
Fakultet for lærarutdanning, kultur og idrett (FLKI)
Institutt for idrett, kosthald og naturfag
16.05.2022